Маладзёжная палітыка

Аддзел ідэалагічнай работы і па справах моладзі Смаргонскага раённага выканаўчага камітэта

Адрас: 231045 г. Смаргонь, вул. Леніна, каб.227. Тэл. 8 (01592-3-76-36)

Рэжым працы: з 8.00 да 17.00 гадзін, абед з 13.00 да 14.00 гадзін. Субота, нядзеля – выхадны.

Галоўны спецыяліст аддзела, які курыруе пытанні рэалізацыі дзяржаўнай моладзевай палітыкі ў раёне – Барташ Алена Аляксандраўна.

Моладзь – стратэгічны рэсурс развіцця краіны, і ўсе пытанні, звязаныя з жыццём маладых людзей, уваходзяць у сферу нацыянальна-дзяржаўных інтарэсаў. Моладзевая палітыка ў Смаргонскім раёне рэалізуецца ў адпаведнасці з Канстытуцыяй Рэспублікі Беларусь, Законам Рэспублікі Беларусь "Аб асновах дзяржаўнай моладзевай палітыкі" і іншымі актамі заканадаўства. Мэтамі дзяржаўнай моладзевай палітыкі з'яўляюцца: усебаковае выхаванне моладзі, садзейнічанне яе духоўнаму, маральнаму, прафесійнаму і фізічнаму развіццю, стварэнне ўмоў для самарэалізацыі, свабоднага і эфектыўнага ўдзелу моладзі ў палітычным, сацыяльным, эканамічным і культурным развіцці грамадства; сацыяльная, матэрыяльная, прававая і іншая падтрымка моладзі; пашырэнне магчымасцяў моладзі ў выбары жыццёвага шляху.

Асноўнымі напрамкамі дзяржаўнай моладзевай палітыкі з'яўляюцца:

• грамадзянскае і патрыятычнае выхаванне моладзі;

• садзейнічанне фарміраванню здаровага ладу жыцця моладзі;

• дзяржаўная падтрымка маладых сем'яў;

• садзейнічанне рэалізацыі права моладзі на працу;

• дзяржаўная падтрымка моладзі ў атрыманні адукацыі;

• дзяржаўная падтрымка таленавітай і адоранай моладзі;

• рэалізацыя маладзёжнай кадравай палітыкі;

• садзейнічанне рэалізацыі права моладзі на аб'яднанне;

• садзейнічанне развіццю і рэалізацыі маладзёжных грамадска значных ініцыятыў;

• міжнароднае маладзёжнае супрацоўніцтва.

Дзяржаўная моладзевая палітыка можа ажыццяўляцца і па іншых напрамках.

Па стане на 1 студзеня 2019 года колькасць моладзі Смаргонскага раёна склала 6 885 чалавек.

Праца па рэалізацыі дзяржаўнай маладзёжнай палітыкі будуецца ў адпаведнасці з асноўнымі нарматыўнымі і прававымі дакументамі, якія рэгулююць працу з моладдзю ў Рэспубліцы Беларусь, будаўніцтва жылля, пытанні працаўладкавання і другаснай занятасці, мерапрыемствы па духоўна-маральнаму, эстэтычнаму, патрыятычнаму выхаванню, прафілактыцы правапарушэнняў і злачынстваў у маладзёжным асяроддзі.