ПРА НОВАЎВЯДЗЕННІ Ў ПЕНСІЙНЫМ ЗАКАНАДАЎСТВЕ

 18 мая 2020г.выйшаў Указ Прэзідэнта Рэспублікі Беларусь № 171 «аб сацыяльнай падтрымцы асобных катэгорый грамадзян» (далей – Указ). У ім ахоплены розныя катэгорыі грамадзян па розных напрамках сацыяльнай абароны.

У прыватнасці, першае новаўвядзенне датычыцца шматдзетных маці. Павялічваецца перыяд сыходу за малалетнімі дзецьмі, які можа быць залічаны ў агульны стаж з 9 да 12 гадоў пры прызначэнні пенсіі з 1 студзеня 2021г. для тых маці, хто спарадзіў чацвярых дзяцей і выхаваў іх да 8-гадовага ўзросту, указам прадугледжана яшчэ адна гарантыя. Страхавой стаж для прызначэння ім пенсіі па ўзросту зніжаецца да 10 гадоў. Патрабаванне да агульнага стажу застаецца ранейшым-20 гадоў.

Грамадзянам, якія маюць інваліднасць, нормы ўказа прадугледжваюць шэраг гарантый па пенсійным заканадаўстве. Гаворка ідзе аб зніжэнні патрабаванняў да стажу - як да страхавога, так і агульнага. Так з 1 студзеня 2021 года грамадзянам, якія з'яўляліся інвалідамі I АБО II групы не менш за 10 гадоў, патрабаваны страхавы стаж зніжаецца на 6 месяцаў за кожны поўны год знаходжання на інваліднасці. Працоўная пенсія па ўзросце грамадзянам, якія да дасягнення пенсійнага ўзросту з'яўляліся інвалідамі I і (або) II групы не менш 21 года, будзе прызначацца пры наяўнасці страхавога стажу не менш 5 гадоў. Адначасова зніжаюцца і патрабаванні да агульнага стажу як дадзенай катэгорыі асоб, так і інвалідам з дзяцінства I і II групы: з 25 гадоў да 20 гадоў мужчынам і з 20 да 15 гадоў жанчынам.

Для бацькоў дзяцей-інвалідаў, у якіх няма 5 гадоў страхавога стажу для права на датэрміновую пенсію па ўзросце, з 1 студзеня 2021 года ўводзіцца павышаны памер сацыяльнай пенсіі-130 працэнтаў бюджэту пражытачнага мінімуму пенсіянера.

З 1 студзеня 2021 уводзіцца працоўная пенсія па ўзросце пры няпоўным страхавым стажы. Яна будзе прызначацца тым асобам, у якіх ёсць страхавы стаж 10 і больш гадоў, але ён менш патрабаванага для атрымання права на працоўную пенсію па ўзросту на агульных падставах. Як і сацыяльная, пенсія пры няпоўным страхавым стажы будзе прызначацца мужчынам не раней 65 гадоў, а жанчынам – 60 гадоў.

Упраўленне па працы, занятасці і сацыяльнай абароне Смаргонскага райвыканкама