Рус
- Адрес райисполкома:
231042, г. Сморгонь, ул. Ленина, 5
Электронная почта:
smorgon_rik@mail.grodno.by
Телефон: (8-01592) 3-76-06, факс: (8-01592) 3-76-05
Единый справочно-информационный номер службы "одно окно": 142
06.12.2025
За бяспеку ў кожным доме
Работнікі Смаргонскага раённага аддзела па надзвычайных сітуацыях не спыняюць актыўную работу па прадухіленні ўзнікненняў вогненных надзвычайных здарэнняў, працягваючы праводзіць сустрэчы з працоўнымі калектывамі прадпрыемстваў і арганізацый, насельніцтвам па месцы жыхарства. Асноўны акцэнт у гутарках робіцца на няўхільным выкананні правіл пажарнай бяспекі, а таксама на важнасці ўстаноўкі і падтрымання ў працоўным стане аўтаномных пажарных апавяшчальнікаў. На гэты раз прадстаўнікі службы «101» сустрэліся з працоўным калектывам Сольскага дзіцячага сада.
Звятраючыся да прысутных, намеснік начальніка Смаргонскага раённага аддзела па надзвычайных сітуацыях Мікалай Шыш прывёў лічбы статыстыкі пажараў у рэспубліцы, вобласці і раёне. Падчас дыялогу з землякамі прадстаўнік службы «101» акцэнтаваў іх увагу на важнасці няўхільнага захавання правілаў пажарнай бяспекі, нагадаў аб першасных сродках пажаратушэння і нумары службы выратавання, а таксама растлумачыў парадак дзеянняў у выпадку ўзнікнення пажару.
Акрамя таго, выратавальнік даў карысныя рэкамендацыі па эксплуатацыі ацяпляльных прыбораў, бо менавіта ў халодную пару года ўзрастае рызыка пажараў з-за іх няправільнага выкарыстання.
– Ацяпляльны сезон у самым разгары, таму вельмі важна выконваць правілы эксплуатацыі пячнога ацяплення і электраабагравальнікаў. Не забывайце своечасова чысціць коміны ад сажы і латаць расколіны, – адзначыў працаўнік МНС. – Перад топачнымі дзверцамі абавязкова павінен быць ліст з негаручых матэрыялаў – гэта просты, але эфектыўны сродак абароны ад вуглёў, якія выпалі выпадкова.
Асаблівая увага была нададзена ролі аўтаномных пажарных апавяшчальнікаў у папярэджанні пажараў, неабходнасці падтрымання іх у працаздольным стане.
– АПА – гэта надзейны памочнік у выяўленні пажару на ранняй стадыі, здольны выратаваць жыццё і маёмасць, – падкрэсліў Мікалай Шыш.
У канцы мерапрыемства прысутныя паглядзелі тэматычны відэафільм і атрымалі наглядна-выяўленчую прадукцыю супрацьпажарнай накіраванасці.
