Смаргонскі раённы выканаўчы камітэт
Рус
Бел
Eng
карта сайта
  • Адрес райвыканкама: 
  • 231042, г. Смаргонь, вул. Леніна, 5
  • Электронная пошта: 
  • smorgon_rik@mail.grodno.by
  • Тэлефон: (8-01592) 3-76-06
  • Факс: (8-01592) 3-76-05
Гродзенскі аблвыканкам
Гродзенскі аблвыканкам
telegram instagram facebook всв
Гродзенскі аблвыканкам
Гродзенскі аблвыканкам
Галоўная / Навiны / Навiны раёна

Навiны раёна
21.08.2023
Паспрачаемся аб густах: чым будуць карміць школьныя сталоўкі?
 Харчаванне дзяцей у школе – тэма не новая и досыць спрэчная. Калі абед амаль цалкам ідзе ў адходы, дзіця застаецца галодным, бацькі плацяць грошы літаральна “за паветра”, прафесійная самаацэнка работнікаў сталовай імкнецца ўніз. Праблема гэтая актуальная па ўсёй краіне, таму яшчэ ў канцы мінулага года Міністэрства адукацыі вырашыла правесці ў некаторых беларускіх школах эксперымент па арганізацыі харчавання вучняў. Эксперымент аказаўся ўдалым. А што новага дзякуючы яму з’явіцца ў школьных сталоўках нашага раёна, разважаем разам з тэхнолагам цэнтра па забеспячэнні дзейнасці ўстаноў адукацыі Ірынай Шумак. Ірына Віктараўна расказала, што хоць школы Смаргоншчыны не ўдзельнічалі ў эксперыменце, меню ў сталоўках папоўнілася новымі стравамі. Сачылі, як дзеці ўспрынялі новаўвядзенні, праводзілі анкетаванне і сярод вучняў, і сярод бацькоў. Мы задаліся пытаннем, адкуль жа бярэцца спіс страў, якія прапануюць дзецям у школе. Аказваецца, меню распрацоўваецца ў Міністэрстве адукацыі. Мінулае, па якім гатавалі раней, з’явілася ажно ў 2006 годзе. Не дзіва, што многія стравы прыеліся дзецям. А што будзе, калі школьныя сталоўкі пачнуць працаваць па новых прынцыпах? “Па сутнасці, стравы будуць гатавацца з тых жа прадуктаў, што і раней. Зменяцца спосабы прыгатавання. Мы паспрабавалі ўжо ўвесці нешта новае ў мінулым годзе. І ўбачылі, што, напрыклад, нагетсы – тое ж курынае філе – але ў адходы не пайшло амаль нічога з дзіцячых сталоў. Нешта мяняць не будзем. Тое ж бульбяное пюрэ школьнікі добра ядуць заўсёды”, - разважае Ірына Шумак. Спецыялісты мяркуюць, што добра дзеці прымуць мітболы з сырам, запечаную бульбу, новыя салаты, безумоўна, парадуе дзяцей гарачы шакалад.
17.08.2023
Крэва запрашае і прапануе
 19 жніўня гасцінная Смаргоншчына ў чарговы раз запрашае на фестываль-кірмаш “Кераміка Крэва”. У праграме будуць элементы свята, якія сталі шматгадовай традыцыяй, але чакаюцца і навінкі. Пра ўсё гэта нам расказала начальнік аддзела культуры Смаргонскага райвыканкама Таццяна Ражэва. “Безумоўна, “Кераміка Крэва” не можа адбыцца без пляцоўкі керамістаў і майстроў народнай творчасці. Гасцям можна будзе не толькі набыць сувеніры, посуд, тэкстыль і іншыя аўтарскія вырабы, але і паўдзельнічаць у майстар-класах”, - расказала Таццяна Мар’янаўна.
17.08.2023
Вярнулася гарачыня. Пад кандыцыянер ці на шашлык?
 На Смаргоншчыну зноў вярнулася летняя спёка. Калі слупок тэрмометра ўпэўнена падымаецца вышэй за 30 градусаў, вельмі важна не рызыкаваць сваім здароўем і захоўваць пэўныя правілы. Якія – тлумачыць урач агульнай практыкі Вікторыя Баднарук. “Такой гарачынёй лепш за ўсё надзяваць лёгкае свабоднае ­адзенне з натуральных тканін. Ды і ўвогуле, пажадана не выходзіць на вуліцу з 11 да 17 гадзін, асабліва людзям з сардэчна-сасудзістымі і анкалагічнымі захворваннямі, дзецям”, - тлумачыць Вікторыя Уладзіміраўна. Таксама ўрач нагадала, як дзейнічаць, калі чалавек усё ж атрымаў сонечны ўдар: “Калі хтосьці побач з вамі скардзіцца на недамаганне, галаўны боль, млоснасць, трэба тэрмінова адвесці гэтага чалавека ў памяшканне і выклікаць “хуткую”. Да прыезду медыкаў абавязкова праз кожных некалькі хвілін даваць некалькі глыткоў вады, можна абцерці твар і цела мокрай сурвэткай”. Бывае, што ў асабліва гарачыя дні і ў памяшканні знаходзіцца некамфортна, таму ўсё часцей ­людзі карыстаюцца кандыцыянерамі, ды і аўтамабілі без такога прыемнага дапапаўнення сустракаюцца ўсё радзей. “Толькі кандыцыянеры пры няправільным выкарыстанні нярэдка становяцца прычынай даволі непрыемных хвароб”, - нагадала Вікторыя Баднарук. Тэмпература ў памяшканні і на вуліцы не павінна адрознівацца больш, чым на 10 градусаў. Да таго ж, паніжаць яе трэба паступова – прыкладна на 1 – 2 градусы ў гадзіну. Трэба памятаць, што кандыцыянер проста прапускае праз сябе і ахалоджвае тое паветра, якое ёсць у памяшканні, таму трэба рэгулярна чысціць гэтае прыстасаванне, інакш чакай шкодных бактэрый, грыбкоў і іншых непрыемнасцей. Яшчэ адно захворванне, на якое летам часта скардзяцца пацыенты ўрача агульнай практыкі – міязіт. У народзе кажуць “шыю заклініла”. Прычына гэтага – струмень халоднага паветра, які трапляе непасрэдна на чалавека. Калі кандыцыянера няма, ­нядрэннай альтэрнатывай у памяшканні можа стаць вентылятар. Калі побач з ім яшчэ паставіць вядро з халоднай вадой, тэмпература ў пакоі знізіцца на 2 – 3 градусы. Яшчэ адна парада ад доктара – змена рацыёну харчавання. Лепш выключыць з яго смажаную тлустую ежу, ужываць больш гародніны і садавіны, добра памытай пад праточнай вадой. Дарэчы, прадукты харчавання такую гарачыню таксама “пераносяць” дрэнна. Пра гэта нашым чытачам нагадаў урач-гігіеніст цэнтра гігіены і эпідэміялогіі Андрэй Завацкі. “Калі вы купілі прадукты, якія хутка псуюцца, як мага хутчэй аднясіце іх дадому і пакладзіце на захаванне ў халадзільнік, дзе тэмпература павінна трымацца ў раёне +2 - +6 градусаў”, - патлумачыў спецыяліст. Таксама Андрэй Пятровіч звярнуў увагу, што нельга браць з сабой такія прадукты, калі вы адпачываеце на прыродзе. Падоўжыць на некаторы час тэрмін прыдатнасці дапаможа сумка-халадзільнік, або некалькі бутэлек з замарожанай вадой. Марынаваць мяса для шашлыкоў трэба дома, а не на гарачым паветры. А самае галоўнае – добра падсмажваць мяса, каб знішчыць усе патагенныя мікраарганізмы.
27.07.2023
Дзюдо гартуе характар
 “Кожны раз, калі мая дачушка падае на татамі, маё сэрца замірае”, - дзеліцца Алена Жуковіч, мама смаргонскай спартсменкі Надзеі Жуковіч. Надзя мамінай трывогі не раздзяляе і заўважае, што нягледзячы на салідны стаж трэніровак і спаборніцтваў, сур’ёзных траўмаў у яе не было. А калі і падаеш – гэта не страшна. Галоўнае - падняцца і даць дастойны адпор праціўніку. Гледзячы на медальную скарбонку нашай дзюдаісткі, разумееш – адпор даваць гэтая дзяўчына ўмее.
папярэдняя ...
1 2 3 4 5 6 7 8 9 10
... наступная
Грамадства Грамадства Нерухомасць Нерухомасць Афіцыйныя дакументы Афіцыйныя дакументы